Muzeo
Estas teleroj, sed mankas apetito
Sen gefianĉoj kuŝas nuptoringoj
Ventumilo preskaŭ de tricent jaroj
ne malvarmigas vangoruĝon
Glavoj ne havas kontraŭulon
Ne tintos je vesperiĝo liuto
Pro maleterneco
Oni kolektas dek mil da malnovaĵoj
Aĝa pordisto dolĉe dormetas
Kun lipharoj ĉe vitroŝranko
Metaloj, argiloj, birda plumeto
Mallaŭte triumfas en la tempo
Ridetas nur pinglo de Egipta ridulino
Krono daŭras pli ol kapo
Venkis ganto manon
Kaj dekstra ŝuo piedon
Mi vivas, kredu
Mia konkuro kun robo daŭras
Kiom persista ĝi estas
Kiom ĝi travivi min volas!
Tradukis Danuta Kowalska